Matulungin ka ba?

Ang Pinoy daw likas ang pagiging matulungin, kahit sa kagipitan may dadamay parin sayo. Napatunayan namin yan ng asawa ko, nung isang na nanggaling kami sa Baclaran, pauwi na kami nun, dumaan kami sa kahabaan ng Roxas Blvd, sa may tapat ng Department of Finance building na napapagitnaan ng 2 BSP, bigla nalang tumigil si MJ, tumirik kumbaga. Nawala tuloy ang panaginip kong di ko na maalala.

Mga sampung minutong hitik, pilit naming binubuhay ang walang malay na si MJ. Sumuko nalang si Jeff at muntikan naman akong maiyak sa galit sa gumawa kay MJ ng kahindik hindik na gawain. Leche kasi yung asawa ng pinsan nya, nagmamagaling sa electrical ng sasakyan wala naman palang alam.

Wala na kaming nagawa kundi itulak si MJ papasok sa isang parkingan sa tapat ng mga building na nabanggit ko, sa kabiglaanan namin, lumapit ang isang lalaki at babae, tinulungan kaming itulak si MJ papasok sa parkingan kung saan sila attendant. Tinulungan pa kaming maghanap ng mekaniko, all out sila tumulong at di naghihintay ng kapalit. Ayaw pa ngang tanggapin ang bente pesos na inooffer namin, sabi namin kahit pang yosi nalang nya.

Sa awa ng Diyos meron parin palang mga matutulunging tao sa mundo, sana pagpalain sila.